اپوزیشن کو لڑانے کیلئے وزیراعظم عمران خان کاگو نیازی گو کے نعرے کے جواب میں حیرت انگیز ردعمل، جس نے دیکھا دیکھتا ہی رہ گیا

اسلام آباد (آن لائن) بجٹ تقریر کے بعد اپوزیشن کو لڑانے کیلئے وزیراعظم عمران خان نے گو نیازی گو کے نعرے کے جواب میں نعروں کے ساتھ تال میل ملاتے ہوئے فضاء میں اپنے بازو لہرا دیئے۔ جس پر اپوزیشن نے مشتعل ہوتے ہوئے نعرے بازی اور بھی تیز کردی جبکہ وزیراعظم مسکراتے اور

بازو لہراتے ہوئے ہال سے باہر نکل گئے۔ بجٹ تقریر کے دوران جب اپوزیشن نے بھرپور احتجاج شروع کردیا تو حکومت کے وزراء فیصل واوڈا‘ علی محمد‘ شیر باز خان آفریدی نے وزیراعظم عمران خان کے ساتھ کھڑے ہوکر انہیں اپنے حصار میں لے لیا تاکہ کوئی اپوزیشن رکن اسمبلی وزیراعظم سے بدتمیزی سے شرارت نہ کر سکے۔ وزیر اعظم عمران خان نے بجٹ پیش کیے جانے کے بعد اپوزیشن کی جانب فاتحانہ انداز میں ہاتھ اٹھا کر میوزک کمپوزر کی طرح اشارے کیے۔مالی سال 20-2019 کا بجٹ قومی اسمبلی میں وزیر مملکت برائے ریونیو حماد اظہر نے پیش کیا۔بجٹ اجلاس کے دوران اپوزیشن نے احتجاج کیا تاہم شور شرابے کے باوجود وزیراعظم عمران خان بھی ایوان میں موجود رہے۔اسپیکر قومی اسمبلی کی جانب سے اجلاس ملتوی ہونے کے اعلان کے ساتھ ہی وزیر اعظم عمران خان مسکراتے ہوئے اپنی نشست سے اٹھے اور اپوزیشن کے احتجاج کی طرف ایک میوزک کمپوزر کی طرح اپنے ہاتھوں سے اشارے کیے۔وزیراعظم کے اس انداز پر ان کے اردگرد موجود حکومتی ارکان بھی مسکراتے رہے اور اس دوران وزیراعظم اسمبلی سے باہر نکل گئے۔

اپوزیشن کو لڑانے کیلئے وزیراعظم عمران خان کاگو نیازی گو کے نعرے کے جواب میں حیرت انگیز ردعمل، جس نے دیکھا دیکھتا ہی رہ گیا

Source

اپنا تبصرہ بھیجیں