پاکستان ایک حیران کن ملک ہے موقع ملا تو ضرور جاؤں گا، آسٹریلیا کی کرکٹ ٹیم کے کپتان ایرون فنچ نے بڑا اعلان کردیا

اوول (آن لائن) آسٹریلوی کپتان ایرون فنچ نے کہا ہے کہ پاکستان ایک حیران کن ملک ہے، اگر انہیں موقع ملا تو وہ ضرور وہاں جا کر کرکٹ کھیلیں گے۔ آج ہونے والے پاکستان کے خلاف میچ کے بارے میں پریس کانفرس کے دوران انہوں نے کہا کہ آسٹریلیا کی ٹیم کا پاکستان جانے کا فیصلہ بورڈ کرے گا، پاکستان سپر لیگ کے میچز میں دیکھا ہے کہ شائقین کرکٹ نے بھرپور انداز میں شرکت کی اور ان کا جذبہ دیدنی تھا۔پاکستانی ٹیم کو خطرناک قرار دیتے ہوئے انہوں نے کہا کہ پاکستان آئی سی سی کے ٹورنامنٹس میں بڑے

میچز جیت کر فائنلز تک رسائی حاصل کر لیتا ہے، گزشتہ چیمپئنز ٹرافی اس کی مثال ہے۔انہوں نے کہا کہ پاکستان کی فارم اچھی ہو یا بری اس سے فرق نہیں پڑتا، یہ ہر لحاظ سے خطرناک ٹیم ہے۔ایرون فنچ نے کہا کہ پاکستان کے پاس عالمی سطح کے کھلاڑی موجود ہیں، بابراعظم اس وقت اچھی فارم میں ہیں اور بیٹنگ لائن کو جوڑے رکھتے ہیں۔پاکستانی ٹیم کی گیندبازی کی تعریف کرتے ہوئے ان کا کہنا تھا کہ ان کے پاس ورلڈ کلاس باؤلرز موجود ہیں، عامر ٹیم میں واپس آگئے ہیں اور بھرپور فارم میں بھی دکھائی دے رہے ہیں۔

پاکستان ایک حیران کن ملک ہے موقع ملا تو ضرور جاؤں گا، آسٹریلیا کی کرکٹ ٹیم کے کپتان ایرون فنچ نے بڑا اعلان کردیا

Source

Leave a Comment

Pin It on Pinterest

Shares
Share This